譚詠麟阿叻身在法國都睇曹星如：星仔為所有中國人爭光好嘢！
撰文：溫菁莉
出版：更新：
「神奇小子」曹星如（Rex）昨晚在會展舉行「王者對決2」的最後一場賽事中擊敗了日本選手向井寬史，取得職業生涯21連勝。圈中有不少藝人都有到場親自支持，而身在法國的校長譚詠麟同阿叻陳百祥都有睇網上直播，知道Rex勝出後校長就係微博話：「星仔為所有中國人爭光好嘢！！！」此話一出，惹來唔少網民討論。
身在法國嘅校長同阿叻都有睇曹星如昨晚嘅賽事！(微博圖片)
校長話阿叻睇完Rex嘅賽事之後有得著，想表演俾大家睇！題外話，叻哥係雪山仲可以著短袖！(微博圖片)
因為昨晚體育界除了有曹星如拳擊賽事之外，仲有同樣有「神奇小子」之稱傅家俊球員錦標賽，而他亦都擊敗了中國選手丁俊暉晉級。有網友就話校長「點解唔恭喜傅家俊，系咪因為淘汰咗中國選手丁俊暉，所以唔講？ 」，亦有人話「叫人星仔？周星星同學？」，暗示校長疑似有抽水之嫌。而身在法國嘅校長在微博則上載短片，校長在片中用不純正的國語表示好友阿叻睇完Rex打拳之後有得著，原來阿叻在雪山上表演一拳打爛雪塊，二人似乎非常enjoy表演，大家對於校長恭喜「星仔」一事又點睇呢？