林作轟港姐「9成係豬扒」疑收律師信：封Email係咪真係TVB出？
撰文：陳栢宇
出版：更新：
「香港抽水王」林作日前在社交網站評論麥大力疑似回巢做機師的新聞時，指出機師年薪只有200萬太少，認為做銷售業更能搵到錢，他更以香港小姐作比喻從事銷售業：「香港小姐根本唔難選 - 每年選嘅人好多，但9成係豬趴（扒），一喺電視城落車你就知。最出名嗰個叫東涌羅浩楷」，引起不少討論。
林作。（IG@jolamchok）
林作轟TVB港姐唔難選「9成係豬扒」 指麥大力機師年薪200萬唔難
網友揶揄林作：「你賺鍾培生嗰一球都用咗成大半年啦」。（IG@jolamchok）
今日（31/5），林作便在限時動態中上載多張電話截圖，指自己收到一封聲稱來自無綫（TVB）的律師信電郵：「各位，本人剛收到一封聲稱來自於TVB的Email律師信，就我最近對香港小姐作出的言論作出指控，表示我的言論屬於誹謗性質。本人暫時不作評論，淨係想認真問句：封Email係咪真係TVB出㗎……大家點睇？認真問。」之後，他更指自己立即睇尊尼特普和安芭赫德的誹謗案裁決直播：「攞啲靈感，in case遲啲同TVB死過。」
點擊下圖觀看林作限時動態截圖：
+1