十八年後的終極告白2.0｜譚凱琪偷食角色惹人討厭：係一件好事

由譚俊彥、陳山聰、譚凱琪以及趙希洛等人主演的《十八年後的終極告白2.0》。首播頭兩集譚凱琪在鏡頭前有大膽演出，連日背夫偷食侍「三夫」，加上情緒起伏勁過核爆，精湛演技在網上引起很大迴響。有網民可能睇得太過入戲，對譚凱琪的角色設定十分不滿更留言：「真係頂唔順呢個老婆。」

今日（1/6）譚凱琪出席無綫熱播劇集《十八年後的終極告白2.0》宣傳活動時，就上述事件接受《香港01》訪問：「其實我拍嗰啲激情戲嘅時候我係好大壓，而且當時我又啱啱生完，身形又未回復，加上自己又餵緊人奶，如果節食嘅話，我又會怕冇人奶，咁所以當時我係諗緊好多嘢，又會諗泵完啲奶又會諗點處理，咁所以係好大壓力。而觀眾因為我嘅角色而憎我，我覺得係一件好事，咁所以我亦都希望愈來愈多人憎我。咁證明好多人睇。」