李施嬅拒認追袁偉豪:點解唔係佢追我?

撰文:
最後更新日期:

李施嬅今日以台慶劇《天命》一身造型出席TVB 50周年獻禮。自李施嬅上次被傳力追袁偉豪,今日首次回應緋聞:「點解會話係我力追,而唔係佢追我呢?不過我企喺任何一個男性隔籬都會話我追佢。」之後李施嬅更開玩笑地續道:「好在今次都係傳袁偉豪,佢都幾靚仔。」

李施嬅認識袁偉豪N年,都仲未有啲咩feel。(郭敏玲攝)

對於今次的緋聞,李施嬅就否認:「其實報導講我透過胡定欣去識袁偉豪,根本我就一早就識咗佢好耐,大家都係『Crazy Runner』,都有好多共同朋友,又經常出嚟見面聚下,就好似今晚,我哋同其他朋友都會出嚟。」對方早前亦大讚施嬅是好女仔,施嬅就笑言多謝對方,不過問到有無發展可能,她說:「大家都有事業嘅兼顧,佢又啱啱開始上,我舊年係投資上成績都好好,所以我都想再focus多啲。」或者兩人相識多年太熟,到現在尚未過到電。

為求雪景更逼真,李施嬅與譚俊彥明天將會到北京拍攝天命。(郭敏玲攝)

另一方面,李施嬅因拍《天命》戴頭飾戴到頭皮發炎,頭上出現兩個五圓般大的洞,至今仍未康復,明天更要到北京繼續拍攝的李施嬅會否擔心惡化?她說:「其實而家仲要搵頭髮去遮,不過都生緊啲毛仔出嚟,我希望快啲好返啦,都希望有生髮公司可以搵我做代言人,順便sponsor一下我用生髮產品,快點康復。」

李施嬅依家最想就係頭頂幾個傷口快啲生返頭髮。(郭敏玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。