葉念琛對陳瀅寵愛有加 欽點做女一「阿寶」兼孖公仔黐實做訪問

撰文:邱愛霖
出版:更新:

由葉念琛監製、執導及編劇的的無綫(TVB)電視劇《美麗戰場》今日(8日)舉行拜神儀式。曾志偉說很難得邀來葉念琛為TVB拍劇,並希望將拍電影節奏帶回TVB劇集,快拍快上。葉念琛笑言此劇一定要安排做55周年台慶劇,曾志偉笑道:「畀珍姐(曾勵珍)鬧呀,你自己講晒!」

TVB高層曾志偉,以及《美麗戰場》監製暨導演葉念琛,偕一眾演員今日進行拜神儀式。(梁碧玲 攝)

葉念琛承認此劇的「阿寶」便是陳瀅,他接受《香港01》訪問,透露睇過陳瀅有份演出的劇集《伙記辦大事》,他說:「本身我同佢冇合作過,但係識嘅,喜歡佢嗰種硬朗。」他特意將一向予人清純感覺的陳瀅設計為反派,希望為大家帶來反差感。葉導又稱讚陳瀅及其他演員有朝氣。問是否一早向TVB同陳瀅「落訂」,曾志偉笑言:「係呀!搞到我要推咗其他導演,話唔好意思呀,葉導演Book咗佢㗎啦!」

葉念琛最新「阿寶」是陳瀅。(梁碧玲 攝)

隨後葉導再拍住陳瀅接受《香港01》訪問,期間葉導突然男人味爆發。當記者問到對陳瀅第一印象如何,葉導寸爆回答:「咪一個Artist嘅印象囉,你想我點答?」實在架勢十足。葉導隨後又緩和氣氛,突然轉口風正經答問題,坦言非常欣賞陳瀅,「嚟TVB拍第一套劇一定要搵佢做女主角。」陳瀅在旁則笑得開心又害羞。陳瀅指首次同葉導合作是「開心又大壓力」,但幸好葉導安排細心又周到,她說:「呢幾日拍攝,覺得導演好好,好照顧演員,咁我每日好輕鬆可以好專心淨係顧自己啲戲,其餘嘅嘢唔使理,因為佢乜嘢都會處理好晒。」

陳瀅又爆葉導「勒令」她減肥,卻又以食物誘惑她。葉導笑指其實滿意她的身型,「陳瀅係肥肥哋㗎嘛!」

陳瀅爆葉念琛「勒令」她減肥。(梁碧玲 攝)

觀眾不免比較兩個「阿寶」鄧麗欣及陳瀅,葉導指今次是全新「阿寶」,故不擔心比較。雖然獲導演打定心針,但陳瀅則半信半疑道:「都唔知放心定大壓力好。我每日都聽佢講,做好啲呀,人哋點拋個波畀你,你一定要點樣拋得再靚啲呀!我每日都盡力去做,唔知導演覺得我合唔合格呢?」葉導則安撫道不會鬧演員,「演員係要鼓勵嘅。」

一眾演員今日進行拜神儀式。(梁碧玲 攝)

點撃下圖睇演員陣容:

+10