Frankie@MIRROR不願見粉絲購票失敗 與Stanley承諾直播回饋粉絲

撰文:趙允琳
出版:更新:

男團MIRROR成員Stanley(邱士縉)及Frankie(陳瑞輝)今日(12日)與劇中一眾演員出席ViuTV劇集《野人老師》的拜神儀式,兩人在劇中飾演一對由細玩到大的好朋友「李白」和「顏家棟」,Frankie坦言今次相當考驗演技,皆因角色的性格與自己非常不同:「顏家棟呢個個角色係一個好認真好可靠、又有少少木獨,同我有啲反差嘅角色,而且之前《IT狗》Never嘅角色已經好入屋,所以有啲難度。但今次嘅角色好有故事性,而且有好多情緒,今次有可能見到我好嬲(嘅一面)添啊,好新鮮嘅畫面!」

MIRROR成員Stanley(邱士縉)及Frankie(陳瑞輝)今日出席ViuTV劇集《野人老師》的拜神儀式。(梁碧玲 攝)

Stanley在劇中與沈殷怡飾演夫妻,又大讚劇中的小朋友們全部都又聽話又可愛,被問到現實中何時打算結婚生子,他坦言要等多等:「最主要係我啱啱起步,事業上我未係做得好好,所以想繼續打拼一下先,我哋感情都好穩定嘅!」

Stanley笑言暫時仍未有計劃要結婚,工作仍排在第一位。(梁碧玲 攝)

MIRROR的紅館演唱會將於下月底開鑼,兩人均表示正積極操練自己的身材,又大賣關子不願透露會否騷肌。然而,早前實名門票公開發售時網絡大擠塞,大批MIRROR粉絲(MIRO)都購票失敗,又鬧爆今次公司的安排太差,Stanley坦言非常明白粉絲們會失望,但他們亦無能為力,只能繼續做好自己的本份:「我哋能夠做到嘅就係做好自己嘅表演,令入嚟嘅粉絲、或者網上嘅粉絲都可以睇到一個好嘅表演,因為一啲制度上面嘅嘢係,真係好難去改變嘅我明白,所以都係要做好自己先。」

Frankie承諾會多開live回饋粉絲。(梁碧玲 攝)

Frankie表示非常感謝粉絲們的厚愛,又承諾會多開live回饋買不到飛的粉絲:「我覺得我哋都盡咗最好嘅本份去準備演唱會,所以我覺得喺台上面報答大家係最好嘅途徑,但如果我哋開live能夠安撫到大家嘅心靈,我哋都好樂意,冇問題!」

+3
你可能感興趣