J2《搵鬼同你瞓》搵新女闖探靈熱點 網民錯重點睇黃瀅仴好身材

撰文:陳栢宇
出版:更新:

由C君(鄭詩君)擔任創意總監的無綫(TVB)J2台將於下周一(20/6)起推出一連串新節目,包括清談節目《呢鋪開乜》系列、「奶仔」方紹聰主持的真人騷《貧窮限制想像》、洪永城太太梁諾妍(Ienz)主持的《意外步出》,以及靈探真人騷《搵鬼同你瞓》等,其中的《搵鬼同你瞓》便暫定本月25日首播,相關片段最近亦在網上討論區流出,更有網民錯重點聚焦在黃瀅仴(Verena)的好身材上。

無綫(TVB)J2台在6月20日起推出一連串新節目。(TVB)

節目由麥詩晴、吳洛汶和黃瀅仴三名女新人擔任主持,他們走訪本地知名猛鬼熱點,挑戰膽量。在流出片段中,率先出場的是吳洛汶和黃瀅仴,其中黃瀅仴便嚇到不斷尖叫,而麥詩晴則在之後亮相,到猛鬼熱點的坪洲戲院的她,甫到門口便縮沙走人,更一度瑟縮一角。

據了解,吳洛汶和黃瀅仴是去長洲東堤一個曾經發生過自殺事的出租屋探靈,黃瀅仴在拍攝時在手中的鏡子中見到靈體,所以嚇到要導演求救,而麥詩晴則是到夜探坪洲戲院,期間感到身體不適,之後仲出現身體麻痺。

點擊下圖觀看流出短片截圖:

+11

黃瀅仴接受《香港01》訪問時便講起拍攝時被嚇破膽的情況:「我望住塊鏡探索緊嘅時候,突然見到有個男人嘅樣,佢只係得上半面,眼以下嘅位係睇唔到,成個感覺好似伏喺度望住我咁;嗰下我點解咁驚係因為個樣其實都好清晰,同埋佢個眼神係好平靜冇精神咁目不轉睛望住我。」起初她懷疑自己是眼花,豈料望多兩眼便確定自己沒有看錯:「我直頭尖叫趴咗落地,後尾我喊到爆炸,攝製隊安慰我就話我可能見到係Camman,但係我事後查證過嗰個角度係冇乜可能見Camman哥哥,同埋個眼神真系好令人心寒,感覺唔似係。」

談到網民聚焦在她的身材上,黃瀅仴說:「網民有讚賞當然開心啦,要多謝我爸爸媽咪畀我,我希望日後網民留意我嘅演出或者作品,我會更開心!」

點擊下圖觀看黃瀅仴的IG靚相:

+19
你可能感興趣