有網民見到威威喺荃灣拍廣告。荃灣街市豬肉檔「肉類分割員」威威（劉宋威)，近排似乎拍廣告／拍片多過分割肉類，「威威豬」要見威威真身都幾講運氣。日前有網民見到威威出現喺荃灣區嘅參茸海味店外，有攝影師亦有工作人員打燈，網民估計威威拍攝特約廣告。出道半年未夠，威威已經先後拍過波鞋、保險、 煤氣公司等廣告，絕對係全方位發展。仲話有唔少路人圍觀。