李佳芯修讀情緒治療課程 暫時無劇拍唔怕人氣跌:唯有捉緊機會

撰文:吳子生
出版:更新:

李佳芯早前接受訪問時親自開腔回應辭演《靈戲逼人》的女鬼角色原因,直指過去拍劇多年承受巨大壓力,加上長時間日夜顛倒又要捱夜工作,令她精神過度疲累,引致身體出現警號。今日(21/6)李佳芯(Ali)現身將軍澳電視城出席無綫節目《好聲好戲》錄影時,被問及現時健康狀況?Ali表示:「其實而家嘅身體狀況就冇乜嘢,但我想平衡返健康同工作,因為呢樣先係緊要。因為之前試過出事,原來係好傷,咁所以我唔想再俾呢樣嘢繼續落去。」

李佳芯今日現身將軍澳電視城出席無綫節目《好聲好戲》錄影。(葉志明攝)

另外,Ali亦透露最近修讀情緒治療課程:「其實我發覺香港有好多人都有情緒病,10人中有10半都有情緒病,而我哋做呢行情緒都起伏得大,如果我能夠繼續讀落去,鑽研得多啲嘅話,我都希望有一日都可以幫到身邊嘅人,呢個都係我一個目標。(暫時手頭上有冇劇拍?)暫時冇呢一刻未有。(怕唔怕人氣跌?)其實我又冇計算到呢方面嘅嘢,咁的而且確係會輸蝕,始終做藝人梗係希望想不斷有作品,但我嚟講演員係被動。因為每樣工作係人哋話,人哋話你有就有,健哋話你冇就冇。咁所以我有工作嘅時候,唯有捉緊機會。」

李佳芯透露暫時未有劇拍。(葉志明攝)
你可能感興趣