夏蕙姨搭的士遭司機偷拍搽唇膏瞓樣：我係唔知，佢好寸呀！
撰文：吳子生
出版：更新：
「夏蕙BB」黃夏蕙早前宣布8月即將離港移民到美國消息一出令很多人都感到意外。不少網民對她離開香港都大感不捨，因為人見人愛的夏蕙BB實在為大家帶不少歡樂時光。而近日夏蕙BB又成為討論熱話，事關有的士司機在社交網上載夏蕙BB瞓覺照，有人直斥司機偷拍乘客的行為缺德，事件引起網上廣泛討論。
夏蕙姨搭的士無故瞓著竟被司機偷影放上網。
今日（24/6）夏蕙BB現身黃大仙祠嗇色園上「告別香」時，就被偷拍一事回應：「其實我就唔介意，當日我做嘢做到真係好攰，證明我喺社會上做好多事，做到我自己都冇得瞓。（點解喺車上搽唇膏？）其實嗰朝早起咗身之後，就即刻換咗件衫就出門，上到的士咪諗住搽唇膏，點知就瞓著咗。（到達目的地司機叫醒你？）唔係，係我自己醒嘅。因為我只係瞌一陣嘅啫，只係剎那間。（知唔知佢偷影咗你？）我係唔知，佢好寸呀！（俾錢時司機態度如何？）佢態度好好喎，仲問我可唔可以同佢合照俾佢老婆睇，我話可以。然之後仲話唔收我車資，我就話唔好，我仲俾咗好多貼士佢。」
夏蕙姨希望明年新年有時間返港到黃大仙祠上頭炷香。（陳順禎攝）
夏蕙姨和好友大合照。（陳順禎攝）