張衛健重返TVB好感慨 憶述當年月薪只得3000要養全家

撰文:郭敏玲
出版:更新:
張衛健今次在《大帥哥》一拖三,坐正靚老婆中間,真係好有豔福。(符祥定攝)
隔了一段長時間,再回TVB張衛健指已經人面全非,難怪有點感慨。(符祥定攝)

講咗咁耐,TVB 50周年台慶劇《大帥哥》今日終於開鏡拜神。張衛健回歸TVB第一日開工,雖然今日場戲只得一句對白,但重返舊地,心情就非常開心。他笑言離開TVB一段日子,就好似很久沒回家鄉,一切都變得好陌生:「我連化妝間、廠號都唔記得了,今日回來都要特登找劇組人員等我落車,幫我帶路。」

提到今次回歸TVB,張衛健突然很感慨,說要找回當初單純的自己,他說:「當時我真係好純粹,而我人生入面,最辛苦最難捱的時間都是在TVB的日子。那時我剛入去,細佬又在加拿大讀書,未投身社會,我就每個月拎住3,000元人工去工作、去養我家人。不過,那種生活雖然辛苦,但都是我最義無反顧、最熱血的日子,今次回來就是想找回這種感覺。」

問到其妻子張茜最近被網民攻擊外貌走樣,張衛健笑言:「點會唔知呢!?」其後他就教老婆幾招反擊:「我同她說應該即刻影十張素顏照,千萬不要美肌、改圖,然後擺上微博,咁就可以證明一切。」作為好老公,當然力挺自己老婆依然keep得好,對網民攻擊一笑置之。