【有片】圭賢亞博開騷唱《天梯》 再學TWICE跳《Cheer Up》
撰文：鄺鈺瑩
出版：更新：
跳完BewhY的《Forever》再跳埋TWICE的《Cheer Up》，圭賢抖晒大氣，連說話都有困難。
男團Super Junior成員圭賢入佐前最後一次來港開騷，向來以慢歌為主的他，今次又跳又唱兼且rap埋，雖然歌迷睇得更開心，不過圭賢就跳到喘晒氣，而滿頭大汗的他更因為不停用紙巾抹汗，搞到要化妝師走上台為他即埸補妝。
圭賢化身為rapper Gyuwhy，更將真人《Show me the Money》改為《Give me the money》。
個唱上，圭賢除大講國語同廣東話之外，亦連續唱出《新不了情》、《那些年》、《聽海》三首國語歌，見歌迷反應熱烈，他又清唱過往在SJ演唱會上曾表演過的《如果你也聽說》、《北極星的眼淚》，他表示以前唱國語歌時會覺得好奇怪，但現在已經習慣了：「為大家準備了廣東歌，雖然可能會很奇怪，請大家欣賞。」接著當他唱出C AllStar的《天梯》時，歌迷都十分感動。
演唱會尾聲，圭賢頻頻走到台邊，他表示想看清楚歌迷的面孔。在談及開騷感受之前，圭賢不失搞笑本色表示：「現在開始要講韓文，你們不要嚇倒，我是韓國人。」他之後轉到韓文表示：「事隔一年三個月再嚟香港開騷，都係呢個場地，我唔相信可以喺香港舉行自己嘅演唱會，以為自己冇人氣，好幸福、好慶幸有粉絲嘅支持。相信會有段時間無得去香港，好可惜，入伍後，SJ其他成員會帶歡樂俾大家……」說著，圭賢似乎甚為不捨，台下歌迷即舉行「我們不會劈腿」圭賢深呼吸一口氣後，再度開口：「不要生病，與家人幸福地生活，過一段時間之後，我就會回來，請等我。」
雖然休息了一晚，但圭賢今早由香港飛去泰國時，好似好攰咁。（網上圖片）