陳煒最靚人妻忙工作：唔好幻想我會朝早煮太陽蛋

無綫新劇《我瞞結婚了》中陳煒飾演的CEO黑魔后一出，立刻受到網民追捧。現年43歳的陳煒依然身型fit爆，劇中亦經常著靚衫女人味濃。難怪很多網友都幻想：「如果陳煒係我老婆就好啦!」

陳煒出席《我瞞結婚了》宣傳活動時表示，自己平常生活已很少做洗衫煮飯等家務：「我係一個唔過平常生活嘅人。平日開工嘅時候已經冇日冇夜，冇可能大家話幻想我係每朝起身，會煮太陽蛋有杯咖啡或者橙汁嗰種太太。我亦都做唔到。」不過煒哥亦提到，煮飯是自己的強項：「當然我做全職主婦嘅時候，我會照顧好自己先生嘅生活同照顧好佢個胃。」除此之外，陳煒亦表示自己同劇中角色CEO黑魔后其實有差別：「我個人比較內斂啲，同埋鍾意做（男人）背後嘅女人。」咦，陳煒可能繼謝安琪之後，另一位最受歡迎人妻喎！