拍《天命》學騎馬 趙希洛不慎墮馬引發腰部舊患
撰文：溫菁莉
出版：更新：
最近忙於拍攝無綫劇集《天命》的趙希洛(Candice)，在劇中要飾演一位武林高手，每一次都威風凜凜騎馬出場，但在練習騎馬的時候就不慎墮馬，認真黑仔！從未正式學過騎馬的Candice透露，「初學的時候都好驚，因為馬有時候會唔聽話，我當時都有嚇倒，但現在已經訓練了一個月情況就好好多。」提到今次墮馬的原因，Candice表示因為馬的身形較高大，「可能我還未適應，所以就弄傷，而我曾經跌傷過尾龍骨，亦因為今次而復發。」
為了拍攝《天命》，趙希洛就特意去學騎馬，但練習的過程中就不慎墮馬。
除了騎馬，古裝劇的對白亦都考起「鬼妹仔」趙希洛，她笑言希望拍攝完之後可以改善到自己的廣東話發音。
雖然不慎受傷，但趙希洛都依然繼續學騎馬，但都有去針灸，「醫師都有叮囑我要聽話，儘量都不要再騎，但因為拍戲嘅關係，我想出嚟效果靚啲。」 她坦言今次好「黑仔」，因為早前拍攝追逐戲時，不小心踩到自己條裙從4級樓梯向前仆。趙希洛拍戲咁搏命，唔使講最擔心一定係媽咪，「她都好擔心我，這套劇有很多動作場面，因為自己有腰傷，有些動作會『就』住會做得不好，但每個動作已經盡我所能做到最好。」
而趙希洛亦有留意早前劉德華在泰國拍廣告時不小心墮馬的報導，「其實上騎馬第一堂，已經見過有位女仔騎馬嘅時候跌了下來，好彩無俾馬踩到。搞到我都有啲驚，但聽講內地的馬，身形比較細叫我唔使咁驚，希望馬仔可以鍚住我，我會準備好紅蘿蔔俾佢哋。」