童時愛上你｜高Ling演8歲角色被批演技未到家：有網民讚我演得好
撰文：吳子生
出版：更新：
高海寧今日出席劇集宣傳活動。（葉志明攝）
高海寧（高Ling)今日（6/7）現身電視城出席無綫劇集《童時愛上你》宣傳活動。提到她在劇中角色原本是一位冷酷現實的千金小姐，卻因一次意外失憶令其智商變得只有8歲。劇集播出至今，高Ling獲不少網民大讚演技有進步，但亦有網民覺得她演技未到家，未能充份活演8歲智商小孩的神情。
高海寧在劇中演8歲智商角色無難度。（葉志明攝）
高Ling表示：「其實我喺演呢個角色前係落咗好多苦功，特登搵咗張震朗8歲嘅姪仔，去了解佢哋呢個歲數嘅小朋友，究竟佢哋知嘅嘢同唔知嘅嘢有幾多，發覺原來佢哋唔同我哋細個嘅時候懵盛盛，原來而家8歲小朋友係好叻。咁所以我係演嘅時候，我唔會採取一個低智商咩都唔識嘅一個小朋友去演。」對於有網民批她演技未到家，高Ling續說：「我近日睇過一編文章指出我演緊呢個角色並唔係阿旺，而阿旺嗰個係演智商有問題，但我呢個角色唔係。咁所以我演嘅係小朋友嘅狀態，反而好多網民讚我演好，可以演到小朋友嗰種眼神同神情。」