Anson Lo生日｜教主碼頭勁墟冚 盧瀚霆TG現身：愛你哋每一位
撰文：鄺鈺瑩
出版：更新：
尖沙咀碼頭今日十分熱鬧。(梁碧玲攝）
MIRROR成員「教主」盧瀚霆（Anson Lo）今日（7日）27歲生日，後援會發起連串慶生活動，包括免費乘搭乘搭天星小輪來回尖沙咀至中環，今早後援會更派出多名義工，去到尖沙咀碼頭，向搭船嘅乘客派發紀念襟章以及貼紙。
為怕神徒打卡唔注意安全，九巴以及天星小輪都有加派工作人員在碼頭不停作出「溫提」。（鄺鈺瑩攝)
雖然今早天氣酷熱，不過仍然無阻「神徒」打卡嘅心情，早上未夠10點，尖沙咀碼頭已經十分熱鬧，唔少「神徒」都拎埋打扮得十分可愛嘅 little anson 公仔在巨型廣告牌前影相，亦有「神徒」大騷舞技。
免費摩天輪都吸引唔少「神徒」。（梁碧玲攝)）
除了後援會之外，亦有「神徒」請香港市民免費乘坐中環摩天輪，中午12時，場外人龍長數百米，工作人員表示約需等候1小時。至於主角Anson Lo，昨晚踏正12時，除在IG發文之外，又久違地「現身」TG群組，並留言表示「神徒們，講過我嘅生日就係大家嘅生日，祝大家生日快樂。知道大家今日應會去尖沙咀打卡，記得喺一片粉紅海之中，玩得盡興之餘都要小心安全呀～多謝你哋每一位喺instagram、telegram同facebook嘅祝福。愛你地(哋)每一位。」
（陳芷穎攝)
lunch time過後，碼頭仲多人。（陳芷穎攝)
點擊睇教主誕有幾熱鬧
+17