全民造星V︱與Dee哥9月出發吉隆坡揀人 肥仔:搵高過193同矮過我

撰文:陳芷穎
出版:更新:

ViuTV選秀節目《全民造星V》終於有消息,黃慧君(花姐)夥拍ERROR成員梁業(肥仔)及何啟華(Dee)今日(15/7)現身公布有關詳情。一如外界所推測,《造星V》將首次衝出香港,肥仔、Dee哥將會到吉隆坡,而MIRROR正副隊長楊樂文(Lokman)、江𤒹生(AK)則遠赴溫哥華尋找有潛質參賽者。

花姐夥拍ERROR成員肥仔及Dee現身公布《全民造星V》詳情。(陳順禎攝)

肥仔和Dee哥接受訪問時透露將於9月中出發,至於打算招募多少位海外參賽者,花姐說要視乎當地反應而決定:「希望可以有一萬幾千,總之希望香港、吉隆坡,溫哥華加埋有100人入到第一round。」肥仔立即問花姐:「靚仔要幾多個?」花姐笑指:「靚仔要99個,又肥又矮嘅一個。」

Dee重演四年前參賽相。(陳順禎攝)

兩位師兄亦分享揀人標準,肥仔搞笑指:「搵一個高過193(郭嘉駿),同一個矮過我,想延續番ERROR條斜線。(矮過你搵?)唔係㗎,有機會呀,世事無絕對。」Dee哥表示自己不膚淺:「睇心態,(肥仔:你啱啱話睇靚仔…)靚仔都可以有心態。」肥仔續指:「威脅到我哋地位嘅就foul咗佢先。(花姐:要威脅到你哋地位都唔難呀),咁foul咗佢先。」Dee哥再和應:「冇個啱呀,我哋自己返嚟。」招募完參賽者後,花姐透露將很快安排他們來港集訓,導師方面亦正聯絡中。

+19