林嘉欣曾被李麗珊拋窒唔敢生 育有2個囡囡：平有平養、貴有貴養
撰文：洪曉璇
出版：更新：
林嘉欣和李麗珊二人第一次合作拍廣告默契十足，出席記招時自爆不時傾「湊女經」：「同珊珊拍廣告好難忘、好投契，埋位同唔埋位都係傾湊女經，珊珊佢啲女入晒大學，我仲要慢慢捱，呢次好開心同佢合作，覺得佢好親切。好多年前珊珊拍廣告講生囡要四百萬，聽到我好驚諗住唔生，但最終自己都生咗兩個，洗咗幾多真係唔知，總之平有平養、貴有貴養，有需要都要洗嘅。」
林嘉欣李麗珊齊齊出席記者會。
廣告中珊珊教林嘉欣玩風帆，佢表示兩個小朋友各有興趣，大女鐘意寫故事、畫漫畫：「可能佢受爸爸影響，因爸爸有寫劇本，細女就鐘意游水。我淨係識湊女同拍戲， 我唔識理財，係咪好唔似呢？所以呢啲數字嘢，我要專業人士幫手。」至於參演電影於金像獎獲獎，嘉欣表示因為「早瞓」而未能睇直播：「我有恭喜導演，佢將媽媽呢個將重大角色交比我好開心，很榮幸可以參與，得到呢個圓滿成績替他們開心，今晚會慶祝。」
林嘉欣曾被李麗珊嚇怕「唔敢生」。
林嘉欣表示兩個小朋友各有興趣，大女鐘意寫故事、畫漫畫，細女就鐘意游水。
提到參演電影於金像獎獲獎，林嘉欣表示因為「早瞓」而未能睇直播