唐貝思母寇鴻萍逃稅成立 好友蔡頌思感驚訝：我會為佢祈禱
撰文：吳子生
出版：更新：
蔡頌思表示會為寇鴻萍祈禱。（梁碧玲攝）
蔡頌思（Jocelyn）今日（18/7）現身港台出席《獅子山2022》劇集宣傳造勢活動。提到好姊妹唐貝詩（Lydia）母親寇鴻萍涉嫌逃稅，日前被法庭判11項罪名成立需還押，Jocelyn透露當時從新聞報導得知相關消息感到驚訝：「Lydia而家個情緒都應該Ok撐得住，我係有傳短訊去問候佢，亦知道好多朋友都好關心佢而家個情況。」
蔡頌思透露得知寇鴻萍涉嫌逃稅被法院定罪還押感到驚訝。（梁碧玲攝）
Jocelyn續說：「不過佢都表現得好堅強，但我好相信佢而家係好唔開心，因為佢成日Keep住同自己講要撐住。而我本身同佢係合資搞曲奇生意，睇到佢係寄情於工作，同平時好唔同，因為佢係開行Turbo係咁做嘢，去麻醉自己唔好諗啲唔開心嘅嘢。咁所以我哋講完嗰件事之後，我就冇再去提係想俾啲空間佢。而我同佢媽咪都好熟，我會為佢祈禱。」