【我瞞結婚了】勁似男優吉村卓 C君：我自己都覺得似！
撰文：林通賢
出版：更新：
當日《我瞞結婚了》Ｃ君亦應傳媒要求，擺出吉村卓經典表情，有埋莊思敏喺隔籬，就更加神似。
《我瞞結婚了》除了陳煒的性感搶鏡外，劇中一位配角，無論造型和樣子都令男網友好有親切感，那人就是C君，劇中飾演堅庭哥，2/8分界再配上金絲眼鏡，非常似日本著名男優吉村卓，「很想要吧」這張圖相信大家不會陌生，不止網友覺得相像，就連C君本人都覺得似，他接受《香港01》訪問時說：「哦…吉村卓…係咪唔知問邊個女優很想要吧…嗰個呀？我直頭唔係知係邊套劇定戲，有一個場口，我直頭扮佢㗎，因為我自己都覺得似，開心呀，終於有人發現到我似喇，等我依家即刻search…你講多次個名…哦，梗係有睇過啦，點會冇睇過佢嘅作品呀，我驚人哋話我似佢，係對佢嘅侮辱喎，其實我仲覺得吉村卓有少少似黎彼德㖭，跟住我又似小肥喎，其實我似好多人㗎，以前都話我似小肥、快必，啲人分到我哋3個叫做好叻㗎喇。」
講到似，C君唔係贏晒，仲有「勁敵」何俊仁(左下)同沈振盈(右下)。
C君和陸永除了拍劇外，和Do姐一齊主持的《Do姐有問題》亦非常受歡迎。
C君和陸永由二人組合農夫出身，由拍綜藝節目到近年多在劇集出現，能夠拍劇原來因為當王浩信結婚兄弟，而被監製睇中，他說：「第一個揾我拍劇嘅監製係羅鎮岳《八時入席》、《開心速遞》監製，因為佢想我喺劇中做王浩信個兄弟，而佢又知我又真係做過王浩信結婚嘅兄弟，又想揾個矮嘅人，咁嗰個咪就係我囉，令我知道原來矮都可以有著數嘅。」
農夫2002年出道，今年係15週年，C君好希望年尾有個音樂會。
C君唱Rap出身，6月將會和陸永再錄歌，但先拍完同黃子華合作的電影，他說：「我同我自少嘅偶像黃子華拍戲，我真係好開心，佢係我同陸永嘅共同偶像、老師，我哋都係學佢，佢啲楝篤笑VCD我都仲有keep，今次我仲喺戲中做佢助手，同佢一齊度戲，嘩！邊有諗過㗎，真係冇錢收都拍呀，拍完就會同陸永錄歌，唔出碟喇，希望年尾有個騷啦。」大家一定記得農夫，到時一定要買飛支持呀！