童時愛上你|尹詩沛撕溫柔人妻面具 入行12年獲肯定:以前太地踎

撰文:洪曉璇
出版:更新:

《童時愛上你》終迎來大結局,昨晚一集講到雷紫彤Amanda(高海寧飾)做完手術後其實已回復所有記憶,設局「陷害」Raymond(袁文傑飾)的真正目的,只是想證明Raymond對公司十分忠心,希望藉此解開雷董(胡楓飾)對Raymond誤解,雷董知道真相後嬲爆大鬧Amanda反骨;Amanda幾經辛苦尋回媽媽榮淑琴(文雪兒飾)臨終前拍下的影片,發現淑琴除一直對雷董隱瞞患病一事,最後心願更是希望雷董可以做個好爸爸。雷家各人看完淑琴錄影後大為感動,終於解開心結……Amanda雖然重拾家庭溫暖,但愛情路卻遭遇波折!Amanda原本拍了影片向Ding哥(張振朗飾)真情告白,但遭對Amanda充滿敵意的爆基(關曜儁飾)從中作梗,讓Ding哥誤以為Amanda嫌棄他們之間身份懸殊,令「丁紫CP」愈走愈遠…….

Amanda其實一早回復番所有記憶,做咁多嘢都係想爸爸同哥哥修補番關係。

今晚劇情Ding哥將辭去Double P CEO職務前往日本發展,Charlie(陳展鵬飾)則重新接手Double P,並遭Raymond認定是「雷家最佳女婿」人選。Charlie亦會發力贏取Amanda芳心,更會大拋愛情金句:「我鍾意一個人,我會全心全意為佢付出,無論佢對我點都好,因為我心裏面容納唔到其他人」、「愛情冇得妥協,只有唯一」等。到底Amanda最終情歸Ding哥還是Charlie,今晚大結局自有分曉!

Amanda原本拍咗條片同Ding哥告白,但係衰細佬爆基從中作梗剪輯過條片。

昨晚另一焦點落在尹詩沛(Nicole)身上,飾演Raymond太太Tina的她撕破「溫柔人妻」假面具,踩上Raymond辦公室嗌離婚兼怒摑小三,表現潑辣。入行12年的Nicole形象百變,曾在兩輯《十八年後的終極告白2.0》中分飾豬肉婆及問米婆,今次在《童時》搖身一變成靚靚闊太,亮麗造型獲不少網友好評,大讚她演乜似乜,對此 Nicole受訪時表示:「好開心大家讚我靚女,監製想我今次嘅形象同以往唔一樣,希望做到令人眼前一亮,所以堅持要我染頭髮,出嚟嘅效果都好好,好多謝監製睇到我有做靚女嘅潛質!」Nicole透露在講對白方面亦是落足心機,她說:「因為以前嘅角色太過地踎感覺,所以今次專登用比較溫文爾雅嘅方式去演,希望說服到觀眾我係高貴大方嘅靚太。」

尹詩沛今次做靚靚闊太,唔少網友都讚佢靚女。
+29