通靈之王｜兒子龐景峰靠功夫通靈 錢小豪感錯愕：佢通靈咁犀利？
撰文：吳子生
出版：更新：
錢小豪獲悉兒子龐景峰靠功夫通靈感錯愕。（梁碧玲攝）
錢小豪今日（25/7）現身淺水灣出席電影發佈會。提到兒子龐景峰早前亮相《通靈之王》節目透過功夫感應靈界。錢小豪聽到即時感到錯愕：「吓！佢有通靈呀？咁犀利⋯⋯咁都唔出奇呀，老豆都識捉殭屍，佢識通靈又有咩問題啫。（有冇過兩招演戲心得俾佢？）咁梗係有。其實我同佢都合作咗成7部電影咁多，而我好希望佢能夠獨立成長，佢成長咗我唔使咁辛苦。（佢未夠爐火純青?)你講得啱，佢未去到人哋一睇就覺得佢係一個演員。」
錢小豪、劉永、可徒鈺芸今日出席《禪武中國夢》發布會。
被問現時龐景峰的表現相比起你後生時遜色？錢小豪直言：「就係因為呢樣嘢我就更加要提點佢，因為佢係我個仔，所以會有好多人會將我同佢比較嘅，而佢都聽過有人同佢講，話佢冇老豆咁Fit，佢係有呢啲經歷。（咁你覺得係唔係？）咁冇辦法啦，因為我經驗多過佢嘛。咁所以我係好希望佢快啲成長，我就冇咁辛苦。（你好辛苦？）辛苦㗎，如果你有個仔每樣嘢都會緊張啲。（佢聽唔聽教？）佢聽教嘅。）（學嘢有冇你咁快？）學嘢就唔同嘅，我哋好細過嘅時候已經鍛鍊，相比佢係喺舒適圈成長，變咗或多或少都有啲倚賴咗，咁希望佢可以獨立。」