袁嘉敏同鍾培生關係密切 陳詩欣唔怕老公學壞:佢邊有鍾生咁有錢

撰文:吳子生
出版:更新:
陳詩欣今日出席無綫新劇《痞子殿下》宣傳造勢活動。(陳順禎攝)

《3日2夜》人妻女神陳詩欣(Eunice)今日(26/7)現身將軍澳電視城出席無綫劇集《痞子殿下》宣傳造勢活動。提到早前袁嘉敏在社交網炮轟鍾培生父子是「人渣」,直認被包三餐,而且與鍾家一年來的相處是一場噩夢,而老公陳爾正與鍾培生關係密切亦被點名拖落水。

Eunice笑言:「我同我老公睇到相關報道覺得幾搞笑啫,但對我哋兩個冇影響,我哋當食花生。而嗰位女士我哋係唔認識,事後鍾生都同我哋個講唔好意思。(擔唔擔心老公受好友鍾培生影響?)咁冇乜影響嘅,因為我老公好乖嘅,但我又唔知鍾生乖唔乖,而鍾生迎期好似喺日本玩得好開心,而我老公喺香港工作又好愉快。(佢哋兩個咁好朋友,擔唔擔心老公好多女埋身?)我對自己好有信心,啲女見到我可能會驚,唔敢埋佢身。不過你估我老公有鍾生咁有錢咩,佢都要做嘢,唔通吓吓去玩咩。」