【有片】K1工作紙動物配對超難　碩士朱千雪搲頭：諗唔到邏輯關係

香港家長最愛說「贏在起跑線」，由幼稚園開始已經力谷小朋友的功課學業，還未計一大籮的興趣班，小朋友為滿足父母的期望疲於奔命。近日網上瘋傳一份K1的功課，要將左右兩組動物圖案配成一對，咪以為K1功課好容易，擁有碩士學歷的港姐朱千雪試玩後，只能說出各個動物圖案的英文字，至於美國大學畢業的簡淑兒只是撞中一題，還有廖子妤、Super Girls也被小兒科功課難倒，在起跑線已經脫腳。

朱千雪

港姐朱千雪擁有碩士學歷，正在城大攻讀法律博士，在圈中一直被譽為才女，但她看到這份K1功課，也一樣無從入手，不過英文底子甚佳的她，很快已寫出每種動物的英文，但兩者如何相連卻無從入手，她表示：「我K1嘅時候肯定唔識做，我一直都唔算好聰明。我只係識得啲字，但唔知點有邏輯地配對，諗唔到邏輯關係。」

簡淑兒

在美國讀大學的簡淑兒，在嘗試做這份K1功課時解釋：「鹿好溫馴，蟻都唔會踩死隻，唔會傷害人，所以是同一類。狗狗同bear bear係人類最好朋友，狗仔又好忠心，好多人都鍾意，又會攬住bear bear瞓，狗仔同bear bear係一對。至於貓同駱駝都係可以同人類做到朋友，但貓有時會發下小脾氣，駱駝都係。而老虎同鱷魚一樣，最好唔好接近佢，唔知幾時會噬你一啖。」總算是答中一題。

廖子妤

電影《骨妹》的女主角廖子妤，則毫無頭緒，反問記者「熊bear bear係動物？(teddy同tiger有乜關係？)因為T？」在記者提示下，她隨即以deer配dog，ant配alligator，cat配camel。她笑說「我好慶幸我已經長大咗，真係好難。」

Super Girls

Super Girls的Cheronna、Yanny及Jessica，對這份功課議論紛紛，不斷商量，Jessica表示：「我諗係屬性，即係咩科對咩科。」Yanny則說bear bear要配狗仔，因為好似。Jessica更說螞蟻可以配恐龍，隨即被Cheronna更正「鱷魚嚟的，所以應該老虎配鱷魚，因為都係食肉嘅。」Jessica則反駁：「狗同貓都食肉啦。」三人你一言我一語，最後也是亂撞居多，當然是全軍覆沒。在知道答案後更不約而同O晒嘴，一臉無奈。

正確答案：

tiger、teddy

dog、deer

ant、alligator

cat、camel