羅莽原來係rock 友 打得更識自彈自唱:主要唱英文歌!

撰文:
最後更新日期:

羅莽對觀眾來說絕不陌生,在無綫他往往只是配角綠葉,甚至是飾演惡霸角色,但原來在無綫被人當甘草,去到美國卻是寶,皆因羅莽在79年所拍的邵氏電影《金臂童》,甚受外國人歡迎,儲落一大班粉絲。羅莽給觀眾的印象,一直周身肌肉,粗豪爽快,拍攝的電影、劇集,有他落場必定是硬橋硬馬真功夫,但近日他拍攝的咖啡廣告,卻是化了一個重金屬band友妝,若非見到硬照中右下角他的簽名,絕難想像是羅莽師父。

羅莽表示一直識彈結他,最愛自彈自唱英文歌,曾在大學慈善活動表演。(羅莽提供)

羅莽這個band仔look拍廣告,造型是模仿70年代的Kiss樂隊。(羅莽提供)

70年代紅極一時的重金屬樂隊Kiss。(網上圖片)

以為是《爆粗band友》?只代表唔識嘢。(羅莽提供)

黑色惡魔造型,充滿死亡風格。(羅莽提供)

滿以為廣告誇張惡搞,想不到羅莽真的懂得音樂,他曾在大學表演,一支木結他自彈自唱,而且是英文歌為主,他接受《香港01》記者訪問,「讀書時都有玩結他嘅,主要唱英文歌,可以自彈自唱,好似Bee Gees嘅Words、Smoke gets in your eyes,曾經喺馬料水一間大學一個籌款活動都表演過,去年無綫都有個《靚聲王》嘅節目搵我,撞啱我喺國內做緊嘢,咁咪無做到囉。」真的很可惜,否則可以聽到羅莽開金口,肯定令粉絲喜出望外,大為驚嘆。

【無綫hea用】羅莽美國做電影主角 過百粉絲聚會:個個起身拍手

63歲的羅莽,一直勤於練功,身形fit到漏油。(羅莽提供)

在咖啡廣告中,羅莽的造型誇張,全身黑色惡魔裝束,額頭有個大大的「羅」字,還以為他是模仿日本電影松山研一擔正的《爆粗band友》,原來是記者捉錯用神,羅莽的band友造型,其實是70牛代紅極一時的重金屬樂隊「KISS」,「我開頭都唔知嘅,問過美國經理人,佢同我講,70年代好出名架。拍廣告之前,仲以為係着西裝,原來係化晒妝,又要伸脷。(你接受到band仔形象?)佢哋好創新,幾特別喎,我哋做演員嘅無所謂嘅,個style都幾啱我,當然接受到嘅。」

羅莽在《葉問2》中,曾跟甄子丹對打,名副其實硬橋硬馬真功夫。(網上圖片)

近年羅莽較少在無綫劇集曝光,最記得還是去年的《城寨英雄》演出惡霸,還有現時晚上重播的《妙手仁心》。「雖然依家同TVB冇合約束縛住,但我哋關係好好嘅。(會否返去拍劇?)冇合同喺身,有時間撞啱嘅都會拍,冇乜所謂。」不過羅莽現時紅到去美國,影相簽名都要30元美金,相當有錢途。羅莽還透露咖啡廣告之後,還有電訊網絡廣告,再加上6月要到荷里活拍片,無綫要打動到羅莽,真的要俾多點誠意啦。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。