白雲自爆曾因身形感自卑 慘被朋友批評︰「個胸太大好核突」
撰文：李婉文
出版：更新：
前無綫藝人白雲推出入行以來首本個人寫真集，日前，她出席新書簽名會答謝粉絲，她接受TVB 娛樂新聞台的訪問時，自爆曾因胸大而被朋友攻擊。
白雲自言曾因身材而被批評，所以曾經感到自卑。（YouTube影片截圖@TVB 娛樂新聞台）
白雲自言很久之前已有出寫真的想法，不過竟因為自卑而打消念頭，擱置計劃，她說︰「見到人哋出寫真我都會心郁郁，但係之前我真係會自卑嘅，因為太多聲音嗰陣時會講『你個胸太大，所以好核突』，真係有啲女仔friend，或者有啲人會咁講，或者話『你咁嘅身形係唔靚嘅』，咁我就會覺得係喎，出得寫真都係嗰啲好窈窕啊，我嗰陣時會係覺得自己唔靚，但係而家我有自信，我覺得所有女人都係靚嘅，只要你自己覺得自己靚，只要你覺得你有閃光嘅位，可以畀你愛嘅人見到就OK啦。」
白雲早前推出寫真。（IG@snowybai）
白雲又覺得每個人都有她的魅力，「我覺得我哋每一個人散發出嚟嘅性感魅力都唔一樣，譬如有一啲人係眼神好有魅力，有一啲人係有體香嘅，有一啲人係講嘢好智慧嘅，咁你接收到嘅人就唔同㗎啦！你嘅另外一半係會欣賞到你嘅閃光點嘅，咁我覺得就夠囉！」
+10