東張西望︱一條魚賣6千蚊引熱討 檔主爆價值昂貴已售罄︰冇錢賺
撰文：李婉文
出版：更新：
早前網上流傳一張一條海黃花魚索價6000港元的照片，引起網民討論，更有人在討論區開post說︰「6000蚊一條死魚係咩玩法？」無綫節目《東張西望》製作團隊親訪該檔賣「天價黃花魚」的魚檔。
6000蚊一條魚！（《東張西望》截圖）
6000蚊一條魚！（《東張西望》截圖）
海鮮檔負責人鄭先生指該批一共6條黃花魚，由兩斤幾去到3斤幾，售價由4000幾到6000元，已全部售罄。他又說︰「由絕跡到搵返佢出嚟，其實物以罕為貴，通常養殖係最多嘅，你話野生呢，真係少之有少，所以點解我會賣到幾千蚊，或者甚至乎一萬蚊，根本佢係有個價值喺度，冇錢賺！因為呢啲魚，我哋做漁民呢，我哋又要油料錢啦，平時啲老人家嘅生活錢啦，計落去，其實每一日唔係咁多魚釣到。」
訪問檔主鄭先生。（《東張西望》截圖）
而野生黃花魚的價值更愈來愈昂貴。除了是因為重斤的野生黃花魚罕有之外，藝人李家鼎（鼎爺）又解釋︰「黃花魚嘅繁殖力係好弱嘅，同埋人追殺得多，咪自然少囉！黃花魚係養唔到咁濟，咁濟啫，唔係百分百嘅，但係養咗出嚟就唔係嗰回事囉！過斤嘅野生黃花魚，千幾二千蚊斤呢，如果講出嚟，大把人搶㗎喇！曾經有條5斤幾嘅黃花魚係萬幾蚊，已經係平㗎啦，行家攞㗎啦！」
鼎爺都有解釋野生黃花魚昂貴的原因。（《東張西望》截圖）