謝霆鋒「攤屍」唱《藍雨》39秒 粉絲留言「幾時開演唱會」
撰文：林通賢
出版：更新：
謝霆鋒近年拍戲、煮嘢食就多，唱歌真係好少見，難怪粉絲覺得有驚喜。（資料圖片／Facebook截圖）
呢個唱K姿勢喺卡拉OK經常見到，不過霆鋒咁做就型囉....（Facebook截圖）
網友一直都FF謝霆鋒再開演唱會，其實上年已經有傳霆鋒會今年開演唱會，令到一眾粉絲好心急，誰知都係自己幻想，或者霆鋒都知大家好想聽他唱歌，於是昨晚他在facebook上載了一段自己唱K的片段，不是唱《活著VIVA》、《玉蝴蝶》，而是去卡拉ok必唱歌張學友的《藍雨》。片段中霆鋒只唱了副歌部份，即係「冷冷雨 Woo...／沒焦點因找不到妳／冷冷雨低泣彷彿要等妳經過……」大家都識唱啦，霆鋒「攤」屍在梳化，腳「un」「un」唱，第二個你會覺得……但因為是謝霆鋒整件事變得不羈，好型，靚仔是有特權的。男網友不要妒忌，片段只有39秒（好珍貴），但不少網友相當滿意（尤其女粉），表示不夠喉，希望霆鋒快點開演唱會，雖然畫面上清晰可見煙仔和雪茄剪，但是沒有影響，但究竟是誰幫霆鋒拍攝呢？會不會是王菲？
攤屍式唱k男網友切勿模仿，因為你不是謝霆鋒。（Facebook截圖）