Mirror演唱會｜So Ching轉發文章控訴ViuTV 森美：佢壓力唔細
撰文：吳子生
出版：更新：
森美透露在阿MO出事前，已找其女友So Ching做電台訪問，訪談感情世界生活事。（吳子生攝）
森美今晚（10/8）現身將軍澳電視城出席無綫綜藝節目《開心無敵獎門人》錄影。提到Mirror演唱會事故，舞蹈員阿Mo（李啟言）仍在深切治療部留醫，而其女友COLLAR成員So Ching(蘇芷晴）連日來在社交平台為男友阿Mo集氣。不過今日她疑為男友表達不滿轉發文章：「意外頻生都唔叫停演唱會。」
森美就上述事件接受《香港01》訪問說：「其實喺阿Mo出事之前一兩日，我哋電台係有同So Ching做咗一個訪問，主要係講佢嘅愛情生活。當發生咗意外之後，喺嗰個禮拜我哋係冇將個訪問播出街，主要係想成件事冇事之後再出街。其實發生咗事故之後，我都好擔心So Ching情況，打探之下，從其他工作人員口中得知，用可以嚟形容佢嘅狀況。咁所以大家將心比己，如果遇著咁嘅情況相信壓力都唔會細，咁所以希望佢繼續有力撐落去。」
森美希望So Ching能撐過去。（吳子生攝）