鋪鋪Poker|Eric Kwok重提紅館求婚 爆陳奕迅超口疏會破壞好事?

撰文:關穎賢
出版:更新:

無綫新綜藝節目《鋪鋪Poker》,由郭偉亮(Eric)、方力申以及陳欣茵主持,昨晚(13/8)播出最新一集,繼續有葉佩雯(Grace)與老公Eric大耍花槍以及吳若希和老公Alex大耍花槍。上回宣傳搶先發布吳若希與Alex在Poker枱上的瘋狂與恩愛面,今次輪到Grace和Eric。

新一集《鋪鋪Poker》繼續有Eric Kwok與太太葉佩雯。(節目畫面)
新一集《鋪鋪Poker》繼續有Eric Kwok與太太葉佩雯。(節目畫面)

最近才高調慶祝相戀22周年的Eric及Grace,來到Poker枱前,雖然男方口口聲聲話「夫妻都冇情講」,卻對老婆處處相讓,加上Grace先天「手氣」不俗,經常拿到「扱手煙」,故成為最終贏家,小方及陳欣茵則要接受大懲罰。根據節目風格,嘉賓除了與主持們切磋Poker外,亦會開心Share個人經歷,Grace這次就大方分享了Eric當年求婚的小插曲及趣事。

兩人經常在社交平台曬恩愛。(IG圖片)
Eric Kwok在節目中重提紅館求婚事件。(IG圖片)

當年Eric原本打算在日本旅行時求婚,豈料遇上311大地震被逼擱置。Eric憶述當時只是隨意的將求婚戒指及帳單放在抽屜中,數個月後竟然被Grace打掃期間意外發現,令驚喜「見光死」,Grace憶述:「佢仲叫我當冇件事,但我覺得好得意。」Eric聞言抗議謂:「得意?好貴㗎!」Grace即笑謂:「我係知道個價錢,因為張單都喺度。」Eric即無奈謂:「幾冇癮?!連講大話都唔得,成幾百萬架?!」

Eric又指由於Grace不求名份,故此原本依然未有急著結婚打算,但在演唱會拍檔Jerald(陳哲廬)鼓勵下,他決定轉玩「大龍鳳」在紅館台上當眾求婚;不過整件事除了要瞞著Grace進行外,還要額外隱瞞陳奕迅,原因更相當爆笑:「因為佢把口太疏。」Grace亦笑著憶述當時情況謂:「我冇得唔肯,佢喺個台度求婚架嘛,焗住Say Yes啦。」對於Eric指其回到家後「呆咗」,Grace解釋謂:「我真係未接受到,我一返到屋企樓下,個看更已經叫我郭太,因為新聞即時已經出晒街。」

同居多年才結婚的郭氏夫婦,又坦言當初同住時經常吵架,原因是Grace當時情緒十分不穩定,Grace說:「我嗰時情緒好差,可能工作好大壓力,唔識去處理,會攞咗佢嚟發洩、會將所有負能量畀晒佢。」至於Eric則盡顯護妻一面說道:「佢對眼會好恍忽,跟住激動咁攞嘢呀、掟嘢呀。但我想幫佢,我想幫佢解決問題。」

+1