愛回家｜張景淳被消失今終蒲頭 拒提遲到：一向我都係準時返工
撰文：吳子生
出版：更新：
張景淳早前被傳因拍處境劇《愛．回家之開心速遞》經常遲大到，辣㷫高層曾勵珍被掟入雪櫃，即使他矢口否認遲到被雪藏，但其劇中角色龔燁被消失多個幾月絕對是事實。而《愛回家》每月的宣傳活動，依然不見張景淳的蹤影，令粉絲們感到相當不滿。
張景淳不想重提遲到事件。（陳順禎攝）
消失公開活動多時的張景淳今日（23/8）終於蒲頭，並接受《香港01》訪問，解釋失蹤之謎：「其實我返咗劇組都好幾個月，只不過係啲宣傳我係咁啱冇嚟度啫，其實大家幾時電視見到我，我幾時返嚟拍攝大家係一路都知。（而家會唔會捉緊返工時間，唔好遲到？）其實一向我都係準時返工，不過當然我係對得住啲新聞，無論咩原因，有人咁樣講出嚟，咁我自己係會覺得之後實會望住我，咁所以我避免再有誤會，我就會再早少少返嚟。」
張景淳今日終於蒲頭現身宣傳活動。（陳順禎攝）
被問到該負面新聞是否對其影響甚大？張景淳直言：「其實講到今日就無謂再講，無謂一樣嘢要講半年，咁我覺得大家睇完笑吓就算，況且我而家都仲喺度拍攝緊，咁所以我唔會再俾到大家任何誤會嘅嘢，咁所以我對呢件事從來冇執著過。」