MIRROR演唱會︱Anson Lo更新IG限動 駱胤鳴心痛：知你內心唔好受
撰文：陳栢宇
出版：更新：
上月舉行的MIRROR紅館演唱會發生嚴重事故，舞蹈員李啟言（阿Mo）被巨幕砸中受重傷，至今仍然在伊院深切治療部留醫。事後，一眾「鏡仔」都有在社交網站開腔，而「教主」Anson Lo（盧瀚霆）昨晚（23/8）便再次蒲頭，在Instagram限時動態中貼出家中時鐘的照片。雖然Anson Lo未有寫下其他字句，但好多粉絲都知道他之前都會不時拍下家中時鐘去報告返工、放工時間。駱胤鳴作為圈中知名「神徒」（Anson Lo粉絲專稱），都有在Instagram限時動態中分享Anson Lo「上水」的感受，她寫道：「以前見住你每日都會update，無論你幾攰都會update，我哋會知道你幾點開工幾點收工，教母煮咗咩有無啖飯可以落肚，最近一直都無咗你嘅消息，知道你內心一定唔好受，一定好多感受一定好多壓抑，直到你上水，姐姐cry」。