李佳芯為腦退化拍攝短片 出錢出力化身半個製作人：好多嘢要顧
撰文：賴家杰
出版：更新：
李佳芯（Ali）今天（24日）出席第二季《好聲好戲》的記者會，這次Ali將會是一名參賽者，務必要拿下冠軍寶座。Ali接受《香港01》訪問時，表示唔介意節目中被評判批評：「我變態㗎，我好鍾意人批評我㗎，最緊要批評係有道理，個個都識講好說話㗎啦，最緊要係肯講真說話。」
Ali參加呢個節目係想要聲音有提升。（梁碧玲攝）
談到今天活動，Ali是最後才出現，Ali解釋是因為要開會，所以遲到，「之前拍咗個腦退化短片，嚟近都係世界腦退化月，都想推出同大家見面，但疫情嚴重咗，我哋又要諗點同大家見面。」
這條短片Ali籌備了一段日子，做開演員的她，這次還做了幕後統籌，終於明白做演員是一件幸福事：「我今次要做團隊發起，要聯絡好多嘢。同埋慈善嘢，預算又唔多。我又冇收錢，仲要嘔錢出嚟。諗下一大班人，出嚟開會都唔會喺街開，去到餐廳又要叫嘢食，又一班兄弟需要啲零碎嘢又係錢。所以我發覺以前做演員咩都唔使理，依家半個製作人，好多嘢要顧。同埋我終於明白咩叫養一班人，就係每一次出嚟都係使緊錢，都係學習。」
Ali不透露這次自己拿了多少錢出來實行這件事。（梁碧玲攝）
+21