鄧美欣慘被狗咬手指伸唔直造成永久傷殘:用唔到力

撰文:吳子生
出版:更新:
鄧美欣展示被狗咬傷勢。(陳順禎攝)

鄧美欣(Venus)今日(26/8)現身鑽石山出席無綫熱播劇集《白色強人2》宣傳造勢活動。Venus早前戴同愛犬散步時,不幸被惡犬襲擊,手部嚴重受創送院。經過多次手術後,傷勢漸康復,但留有嚴重後遺症:「其實而家我隻中指係伸唔直,而且係用唔到力。而家要定期覆診,同見職業治療師同做物理治療。而職業治療師要我長時間戴住壓力布,希望令到個傷口冇咁繃緊,手指容易活動。不過醫生話我隻手指係唔會復原變返正常咁,係話我係永久傷殘。(案件進展如何?)警方嗰邊已經搵到咬我嘅狗主,案件交咗俾律政司署,而家我係得緊佢哋嘅通知,未知幾時要上庭。」

鄧美欣中指未能夠伸直。(陳順禎攝)
醫生診斷鄧美欣手指傷勢永久不能復原。(陳順禎攝)