梅小青促成代言保健產品 佘詩曼再演「三好」延續《宮心計》熱

撰文:陳栢宇
出版:更新:

早前深夜重播《宮心計》,再度掀起煲劇熱潮,飾演「劉三好」的「阿佘」佘詩曼獲網民大讚演技出眾,除了吸引一眾電視迷捧場,阿佘更獲廣告商青睞,邀請她擔任保健產品代言人,果然厲害。

《宮心計》在2009年播映時叫好叫座,大結局更創下50點的高收視紀錄;時隔13年,早前無綫深夜時段重播《宮心計》再掀煲劇潮,網上討論度極高,很多人都懷念阿佘經典角色;當中「三好」這個說好話、做好事、存好心的大好人深得觀眾歡心。今次保健產品老闆及創作團隊,欲展示產品三種最好的元素,所以屬意找來阿佘「三好」親身演繹,而《宮心計》幕後主帥梅小青更有份促成今次合作,令「三好」再現。

阿佘最近獲邀擔任保健產品代言人。

廣告拍攝當日,阿佘狀態十足,紅光滿面,跟前來探班的小青姐開心聚舊,並說:「因為品牌老闆是小青姐好朋友,所以就促成今次廣告,好多謝小青姐,而今次製作方面由(梅)小惠團隊負責,我哋係識咗好耐嘅朋友,不過以咁樣合作形式就係第一次,所以呢個廣告都幾特別,同雙妹嘜合作。」

阿佘出名保養得好,皮膚白滑有光澤,身形更是廿年如一,蛇腰更讓人趨之若鶩,她大方分享心得:「這兩三年疫情關係,都比之前注重健康,每天盡可能做30分鐘簡單拉筋瑜伽動作,多年來都係少食多餐,我覺得食保健產品都係好重要,因為始終有些supplement是平日飲食吸收唔到,所以我都會keep住食呢個牌子 ,多方面配合,狀態先可以keep 到。」

梅小惠(左)擔任製作總監,阿佘做主角,小青姐(右)探班。

今次肩負製作總監的小惠,在完成拍攝後大讚阿佘專業。「大家都見到,阿佘大部分嘅Shot都係一Take過順利完成,表情對白都掌握得好精準,佢仲會畀不同嘅角度我哋拍攝,難怪佢可以咁成功演繹不同角色。」