栢天男才華洋溢設計腕錶有驚喜 沈慧林意料之外：好震撼
撰文：吳子生
出版：更新：
萬希泉鐘錶創辦人沈慧林（William）今日（7/9）與藝人栢天男（Adam）現身灣仔會展出席「萬希泉Ebullience陀飛輪發布會」。對於首次能和Adam攜手合作推出新時尚腕錶，William大感驚喜：「佢好犀利，佢真係做足功課，帶咗成過百嘅設計圖出嚟俾我參考，嗰一刻令我覺得好震撼。我係估唔到佢咁上心。不過起初嘅時候，我同佢喺設計上會諗得好遠，但慢慢我同佢就將範圍收窄，而且我會畀好多自由度佢去做，最終佢設計出嚟嘅款式係好獨一無二，我係非常滿意。」
+1
Adam大學主修藝術與設計，向來對藝術充滿興趣，他坦言發夢都沒想到，今天竟然擁有一隻屬於自己親手設計的腕錶：「其實喺我同Willam傾設計嘅時候，大家會諗好多天馬行空嘅嘢，又會講中西合璧，好多新嘅主意，過程大家傾得好開心。雖然今朝先拍完戲，只瞓得兩個鐘，然後又趕過嚟發布會，但見到自己設計嘅BB出世，我幾攰都覺得值得。」