敖嘉年踢爆遇獵頭公司騙案 踩上門搵對方騙徒即「失蹤」
撰文：鄺鈺瑩
出版：更新：
敖嘉年近來忙於拍攝港台劇集。（資料圖片)
經濟不景氣，詐騙案件接連發生。日前敖嘉年喺IG Story上載一段WhatsApp對話，對方已經表示自己係一間人力資源公司嘅經理，手頭上有多份待遇良好嘅工作可以介紹，之後仲附上自己嘅卡片。而敖嘉年收到卡片之後，表示自己剛好喺附近，可以直接同佢面對面傾，又附上對方名片上地址大廈嘅照片，問對方去到要搵邊個。
騙徒手法層出不窮，一話要上門傾就即時失蹤。
雖然敖嘉年主動送上門，但呢位經理就即時「失蹤」兼冇再應機。而敖嘉年就發文表示：「信我啦，好好地做人，搵份正當工作，信唔信因果呀？呃呃騙騙，因果嚟嘅時候唔係咁好受。」