陽光經典廣告30年後重拍 鄭伊健驚變李拾壹：成果好滿意
撰文：黃梓恒
出版：更新：
經典陽光廣告重拍復刻版，今次搵嚟李拾壹做男主角。（網上截圖）
早前陽光檸檬茶推出復刻版包裝，連帶一系列經典廣告亦再度呈現於人前。今日陽光又有新搞作，將鄭伊健的廣告以一樣的拍攝手法重新推出一個復刻版。不過今次主角不再是鄭伊健和Yvonne Yuen，而是由李拾壹和陳蕾飾演男女主角，以為之前大家對經典廣告咁懷念會有好反應喇，但係出來的效果卻負評居多，今次真係聰明反被聰明誤。
前排啲陽光廣告係咁湧返出嚟，唔怪得想食住呢條水重拍。（網上截圖）
大多數網民都指以李拾壹取替伊健簡直係不能想像，認為選角方面嚴重出現錯誤，女主角陳蕾亦無法演繹出純情暗戀的感覺，相反眼神想看見仇人般痛恨，大嘆集體回憶被破壞。有人認為重播當年的廣告比這個復刻版的廣告會更好，甚至連星爺在《食神》戲中模仿的另一個經典陽光廣告也比這個較佳。不知道陽光有沒有看見網民的控訴呢？
女主角陳蕾就俾網民話佢面形好怪。（網上截圖）
男主角李拾壹亦在其Facebook對這個復刻版廣告作出感言，他表示當自己知道有機會演出這個廣告時真的嚇了一跳，而經過努力後亦很滿意這個成果。至於點解要重拍呢個廣告？他希望「透過呢一個廣告，或者係陽光重新推出嘅經典包裝，可以令我哋憶起曾經美好嘅過去」，不過看來帶給網民的不是美好的過去，而是驚嚇的現在。不過在最後他也有回應一下網民的言論，「笑下啦香港人，鬼唔知我唔係鄭伊健咩，我姓李架」，其實應該沒有人會幻想有另一個鄭伊健，只不過係落差太大啫。
李拾壹在其Facebook亦有感言。（李拾壹Facebook）