洪永城北上工作三個月終回家 囡囡Amber唔認得見到即喊到踢晒腳

撰文:馬嘉怡
出版:更新:

洪永城早前飛去內地拍劇近三個月,逼於無奈與太太梁諾妍(Inez)和愛女Amber分隔兩地,不過平日洪永城一有時間就會同Inez視訊,更會隔著熒幕唱歌比囡囡聽。昨日洪永城終於完成工作回港。豈料,囡囡Amber一見到爸爸立刻爆喊,Inez早前接受《香港01》訪問時就揚言:「我都幾肯定囡囡會唔記得佢。」估唔到一語中的,Amber望著洪永城猶如見到陌生人一樣,相當好笑。

Inez笑言對Amber嚟講,爸爸係「古怪叔叔」。(梁諾妍IG)

由於洪永城離港超過三個月,Inez特意拍片記下父女重逢一刻Amber會有何反應,從影片可見,洪永城首先遠距離看看Amber,點知囡囡望著爸爸思考一會兒便沒任何反應,洪永城見狀即上前摸摸她的手仔,嚇得Amber即時縮手,之後再遞手想抱抱時,Amber即爆喊,完成認不得眼前的人正是爸爸,洪永城也相當傷心掩面扮喊。不過洪永城仍不死心,隔了一會兒再接再厲,成功從Inez手中抱過囡囡,不過Amber卻在爸爸懷裹喊到聲嘶力竭又踼晒腳,睇片都感受到囡囡好抗拒。

洪永城抱即喊到踢晒腳 (梁諾妍IG)

影片一出,大批好友包括李佳芯、林夏薇、吳日言、楊秀惠、陳敏之、梁芷珮等紛紛留言,大讚場面搞笑又可憐,而Inez今早再上載洪永城陪Amber玩的限時動態,父女倆終於重修舊好。

父女倆好番啦(梁諾妍IG)
+4