李日朗進軍美容界上堂實習做Facial過足手癮：做親都係靚女
撰文：吳子生
出版：更新：
李日朗今晚（29/9）現身九展出席「無毒新青年」禁毒電影創作比賽首映禮。李日朗透露最近忙於上課學美容，有意進軍美容界，他接受《香港01》訪問時說：「其實唔知點解近呢幾年，對健康及美容方面產生咗興趣，好想了解呢方面嘅嘢，始終美容同健康相關嘅嘢，近呢幾年，係好多人都好關注嘅嘢。咁所以而家我上堂係要落手幫model做facial，成件事我係覺得好得意，而且暫時實習做親都係靚女，咁所以而家我都仲係好樂意去落手去做。相反有時我會諗，如果對方滿面暗瘡嘅時候，我係咪仲為咁有勇氣去做呢，連我自己都會唔知，哈哈！」