美麗戰場｜劉佩玥激戰林盛斌意外傷頸：可能太過激動
撰文：吳子生
出版：更新：
林盛斌（Bob)和劉佩玥（Moon)今日（3/10）現身鑽石山出席無綫新劇《美麗戰場》宣傳造勢活動。劇中劉佩玥飾演李靜兒是一名娛樂記者，與飾演徐富貴的阿Bob（林盛斌）組成CP組合，而劇中也不乏親熱床戲。不過有幕阿Moon在街頭上演暴打阿Bob場面，竟換來自己周身痕。阿Moon受訪時表示：「其實喺打嘅過程，可能我太過激動，我係出盡全身嘅力去抽打，點知有一下我係唔小心咁chok親條頸 。咁所以大家唔好以為被人打嗰個先痛，其實打人嗰個都會好痛。」
阿Bob和阿Moon在戲中有感情線。（陳順禎攝）
而阿Bob接著說：「其實我都唔知佢整親，喺係大家再開工嘅時候，我就問佢條頸仲咩事整親，佢先同我講就係嗰日打我場戲整親。於是我就同佢講我識拍骨，就即場幫佢整兩嘢，結果冇事好番晒。之於話有床戲，其實我同佢就冇乜話好親密嘅，相比其他演員就激好多，不過有得對住阿Moon我已經心滿意足。」
阿Moon在劇中暴打阿Bob意外拉傷頸。（陳順禎攝）