中年好聲音｜娛樂新聞主播許文軒無緣參加感可惜：心諗係一個機會

娛樂新聞男主播許文軒（Edmond）今日（4/10）現身電視城為無綫選秀節目《中年好聲音》擔任主持。Edmond表示：「其實初頭聽到有呢個節目嘅時候，我係有啲衝動，心諗今次係咪一個機會呢？因為之前我喺2003年嘅時候，我係參加過《新秀》嘅，仲要係陳偉霆嗰屆。而我一直都冇放棄過唱歌呢個夢，仲諗住今次可以參加，點知後來先知係畀素人參加，係覺得有啲可惜，畢竟呢類型嘅唱歌節目係好少畀35歲或以上人士參加，因為你哋會見到只會愈來愈年輕，就好似《聲夢》咁。不過唔緊要，可能之後公司又會開多一個節目畀我哋呢，密切期待。」