美麗戰場|TVB御用奸角李成昌 結婚29年極寵妻又係開明嘅爸爸

撰文:許逸本
出版:更新:

TVB御用奸角李成昌在劇集《美麗戰場》飾演一名有名有勢、心狠手辣,令人膽顫心驚的江湖大佬(威爺),為幫蔣家旻(飾鍾家琪)報仇,命令手下毒打董敬文(飾李勇強),最新一集更疑似迷姦陳瀅(飾鐘家寶)。雖然李成昌在劇中演開壞人,但現實中他十分寵妻及愛惜女兒的好男人,曾表示每天工作後,最期待的便是回到家人身邊。

昌哥年輕時好靚仔。(當事人提供)

李成昌入行43年,曾出演多個經典角色,樣子凶惡的他經常被安排飾演奸人,但私下的昌哥是一個好男人,每天工作後,最期待的便是回到這個「安樂蝸」,使身心都可以得到真正的休息,昌哥曾笑言:「好彩我揀咗家庭為重,事業為次要,先有今日嘅家庭幸福。」即使與太太結婚多年都無鬧過交,二人每天仍有說不完的話題。李成昌表示與老婆結婚29年,起初並沒有打算生小朋友,事關二人工作極忙,難以騰空時間照顧小朋友,豈料有一次前往日本,在當地的百貨公司門口有一對米妮公仔,於是老婆拿起公仔合照,那張照片成為他想要小孩的觸發點。他想如果突然之間離開人世,老婆點算呢,她豈不會孤伶伶自己一個? 於是他便與老婆商量,不如生一個小朋友!

老婆少說話,但遇到合適的話題還是會說很多話,昌哥至今還是感恩能相愛足這麼多年,「我覺得係緣份嚟。」(微博@李成昌)

當昌哥太太順利懷孕後,他便從此下定決心要照顧好個囡,認為個囡嚟得世上成為他的女兒是一種緣份,就算傾家蕩產都想令個女開開心心,同佢做一世嘅朋友。昌哥知道女兒從少嚮往《哈利波特》的英國校園生活,於是便成全女兒的夢想,將她獨自一人送到英國讀書。昌哥表示經常會和女兒FaceTime保持聯絡。而且昌哥不同於一般怪獸家長,由上機到落機,都放手俾女兒獨自完成,並認為放得女兒出國留學,好多嘢都預咗,就算個囡要同外國人拍拖他都冇所謂,並重複表示有緣成為父女,都只想囡囡開心,真係相當睇得開!

另外,昌哥除咗是名慈父之餘亦是給予女兒絕對尊重的爸爸,就算女兒長期在外國留學,昌哥絕對不會擅自入她房間,「我同我老婆夾過一樣事,我哋一定唔可以佢唔喺屋企,入佢房摷嘢。沒辦法,佢都就嚟19歲,好多事要畀返好多自由佢,尤其佢係接受外國教育,更加需要自由。」昌哥認真開明!

昌哥喺位好爸爸。(陳志嵐攝)
+7