安哥同學會｜陳曉東北漂缺安全感 與舊愛互相傷害：好作孽
撰文：鄺鈺瑩
出版：更新：
陳曉東入行時橫掃新人獎，他表示所有獎項雖已甩皮甩骨，但至今仍被他保留在北京的寓所。(IG圖片）
陳曉東近日因演唱會以及推出新歌而短暫回流香港，日前他接受港台節目《安哥同學會》訪問時，提到早年獲邀北上拍攝《倩女幽魂》時，由於他當時只想留港發展音樂，所以十分抗拒。「到後來《玉觀音》用咗我首《比我幸福》做主題曲，好多商演機會就嚟。」陳曉東表示其後因《蘭陵王》更獲更多內地觀眾認識，但一直有流離失所感覺。「因為始終唔係喺我土生土長的香港，成日都會諗到底我個家喺邊，心態慢慢咁就轉變咗。」
陳曉東同老婆肓有兩個寶貝女，不過原來當初得知老婆懷二胎時，佢第一個反應係「吓！又有咗。」（IG@danielchanreal）
陳曉東剛入行時，曾公開承認與張柏芝拍拖，唯二人最後因壓力而分手，張柏芝曾在節目中指二人分手後仍是永遠的知己。陳曉東於2010年時曾透露將與圈外女友訂婚，但婚事卻在年尾告吹，直到2013年陳曉東與護士女友王妤嫻結婚。節目中，被問到會否介意情史不時被重提，陳曉東認為「已過去」，所以沒有所謂的介意。「當一段感情完咗再開始下一段，重重複複幾次之後會發現其實我做緊咩，唔係話攰，而係重複幾次之後，唔係我令你傷心，就係你令我傷心，好作孽咁。」