謝霆鋒用衣夾夾雞翼 香港地獄廚神果然名不虛傳
撰文：溫菁莉
出版：更新：
謝霆鋒除了好叻整雞蛋仔之外，昨晚再有新搞作就是衣架晾意粉，令到不少網友都大讚霆鋒有諗頭，而他的好友容祖兒睇完都有樣學樣，但就唔係晾意粉而係晾「假髮」,並留言：「Inspired by chef nic nic」，還要加hashtag「 #重點係謝霆鋒叫我post比大家睇」,不少粉絲見到之後都笑爆嘴兼話Joey抽水抽得靚仔!!
其實Joey用衣架晾頭髮，遠望都幾恐怖....(Instagram圖片)
謝霆鋒又有新招啦，就係用衣夾架夾雞翼，希望大家之後係屋企見到媽媽咁整，唔好嚇親。(Facebook圖片)
有時創意發揮上嚟真係唔係講笑，有網友問霆鋒有無用過衣夾架夾食材，點知真係試過.....(Facebook圖片)
其實除了好友容祖兒之外，日前霆鋒在FB上載完「衣架晾意粉」照片之後，不少粉絲都發揮「無窮無窮小宇宙」，創意起上嚟真係會嚇人一跳！因為當中有位粉絲就留言問霆鋒除了用衣架之外，有無用過衣夾架夾食材，點知霆鋒真係有回覆該粉絲的留言，並表示：「其實我真係有用過！不過係雞！」更上載證據，粉絲見到留言後都非常佩服霆鋒，並笑指「高手總在民間」，究竟霆鋒仲有咩絕招呢，真係要拭目以待！