香港人在北京|洪永城返內地拍劇大開眼界:一盞燈會有15個人去搬

撰文:林迅景
出版:更新:

無綫(TVB)新劇《香港人在北京》拍攝完畢返港後,台前幕後 陳展鵬、洪永城、戴祖儀、蔡潔等人出席今晚(24/10)的煞科宴。洪永城接受《香港01》訪問時,說:「最開心係我哋變成咗一家人,導演選角都選得好好,因為今次我哋用輕喜劇方法講香港人上到北京嘅經歷,其實冇人諗到吳若希同埋吳業坤做喜劇可以做得咁好。」

洪永城參演《香港人在北京》。(梁碧玲攝)

談到內地拍攝的經驗,其中一點最令洪永城感覺最深的是,內地團隊擁有十分多工作人員。他說:「譬如一盞燈會有15個人去搬,拍攝有好多部機,每一部機背後又有10個人,一場戲可能成場有過百人,簡單給拍一個踩單車嘅shot,你發現點解咁多人喺度嘅?人多係一個分別啦。」

洪永城到內地工作,直言拍攝場地「人好多」。(梁碧玲攝)
真係人多好辦事。(截圖)
真係人多好辦事。(截圖)

他續說,內地人多好辦事,工作起來也十分爽快。除此之外,他還記得有一次,有一個內地拍攝背脊shot時,雖然鏡頭沒有影到他的正面,但他竟然十分入戲地流淚,專業的態度令洪永城大開眼界。

洪永城表示內地演員十分敬業。(梁碧玲攝)
洪永城抱即喊到踢晒腳 (梁諾妍IG)

有趣的是,洪永城離港三個月後回家,囡囡竟然已認不到他。他說:「我返到去抱佢,佢見到我就好驚訝,我想捉佢隻手,佢又縮開,跟住佢又喊,佢喊我心裡又跟住喊。冇辦法,跟住就用返兩日時間陪佢,陪瞓陪沖涼,陪飲陪食陪玩,換片去公園玩鞦韆,乜都做晒。呢兩三月老婆好辛苦,所以我哋約法三章就我負責返,佢可以放鬆啲。」