肥媽每星期直播帶貸 收入隨時好搵過幫無綫做烹飪節目
撰文：林得懿
出版：更新：
肥媽同黑妹有錢齊齊搵。
肥媽（Maria Cordero）兩年前開設YouTube個人頻道，除咗分享日常事之外，每星期都會直播教煮餸，並不定時喺直播中帶貨，除食材之外，亦有保健產品。至近來，直播由一星期一次變成一星期兩次，並且加入黑妹（李麗霞）陣容愈見強大。
肥媽有錢賺之餘，亦不忘帶挈身邊好友，之前她直播烹飪時，邀得謝嘉怡做嘉賓，二人齊齊帶貨謝嘉怡有份投資嘅健康飲品。
不過，唔少觀眾都睇得出毫無烹飪技術可言，甚至比肥媽契仔陸浩明更弱，但肥媽對呢位相識多年嘅好姊妹極為照顧與包容，早前就算去泰國，黑妹亦有同行。其實肥媽雖然過去都會定時為無綫拍攝烹飪節目，但比起一星期帶貨兩次，收入絕對遠超無綫。
每次直播時，肥媽嘅屋企人都會在旁讀出fans的留言，並即時在留言區分享相關產品的購買網址，操作尚算簡單方便。
肥媽帶貨主要係食材及保建產品，但亦有護膚產品。