Jace陳凱詠半年冇出歌擬離開環球 P1X3L一臉愕然:有啲咁嘅事?

撰文:陳芷穎
出版:更新:

「華納三寶」MC張天賦、洪嘉豪、陳蕾以及鄧麗欣(Stephy),P1X3L今日(3/11)出席時裝品牌宣傳活動,吸引近百名粉絲到場支持。雖然P1X3L已有一段時間沒有合體出席公開活動,但他們接受訪問時表示私下經常見面。歐鎮灝(George)亦明顯消瘦不少,他透露是因為早前拍劇導致不斷消瘦:「而家不斷食返嘢增返肥,拍緊《那年盛夏我們綻放如花》,同Marf(邱彥筒)、Marco(葉振弘)拍。」

P1X3L透露11月中就會推出新歌,是一首送給粉絲的慢歌。(陳順禎攝)

Marco最近在一個飲食廣告中透露恨拍拖,當被問到感情狀況時,隊友吳啟洋(Phoebus)和George連忘將咪遞到Marco面前笑言:「呢個要講!呢個要講!」Marco坦言:「拍拖個個都想㗎啦,呢個世界大家都係寂寞㗎嘛,咁我都係呢個世界一分子,我都好想搵到個伴侶嘅」。

至於Marco的擇偶條件,Phoebus大爆對方「好高㗎,好挑剔」,Marco解釋:「好高,要米八咁高,最好高過我。(鍾意姐姐?)唔係嘅,可以係好高嘅妹妹,講笑啫。我覺得高係智慧要高,因為我比較轉數快,要跟得上我Channel轉數要快少少。」Phoebus笑言:「聽你講嘢真係好似聽Sica(何洛瑤)講嘢。」Marco呆了一會再說:「尷尬尷尬。」Phoebus補充:「因為呢個真係有機會,所以畀返啲空間。」

三子表示非常期待月中於西九文化區藝術公園大草坪舉行的戶外騷。(陳順禎攝)

談到師姐陳凱詠(Jace)已有半年沒有出新歌,亦可能計劃離開環球唱片。三子聽到時先一臉愕然反問:「嘩,有啲咁嘅事呀?」George說:「半年冇出歌?我哋都半年冇出歌呀,差唔多情況啫。」三子對望互笑後,Marco續指:「呢樣答唔到你,要問返佢本人先知。」Phoebus表示:「我哋暫時都順利嘅,因為我哋嚟緊有表演,嚟緊11月都出歌嘅。雖然隔上一首有少少耐,三月呀。(George:都半年啦,係咁㗎係咁㗎),可能佢(Jace)都會繼續出嘅,係咁嘅意思呀嗎?」George和Marco齊聲說:「真係唔知喎,會嘅會嘅,我覺得會嘅會嘅」,George再指:「我哋支持Jace嘅,支持佢繼續默默地努力。(Marco:同我哋一樣。)加油。」

+3