余逸思親認年初已離ViuTV 有意試闖YouTube界:題材可以無框架啲

撰文:趙允琳
出版:更新:

早前有報道指余逸思(Yoshi)近日已悄悄離開ViuTV,昨晚(16日)她現身《Marie Claire瑪利嘉兒》32周年派對時證實消息,並表示其實早於年初就已經決定離開發展:「大概年頭完約,其實我之前都有講過,不過最近好多朋友都有問我,見討論區又好多人關心,可能係因為最近播番舊嘅節目,先覺得『咦,好似好少見Yoshi喎』,所以先拎番出嚟講。」

Yoshi小露性感現身派對。(梁碧玲 攝)

有指因疫情關係減少製作旅遊節目而進一步縮緊了Yoshi的演出空間,不如她否認這是離開的主因:「最主要原因係想再試下出面多啲嘅發展,例如YouTube我一直都好想試下發展,因為題材可以再無框架啲,始終電視平台同網上經營唔同。」她坦言以往在ViuTV多數都會與其他拍檔一同主持,甚少有機會一枝獨秀主持的機會,因此很想嘗試透過自己拍YouTube影片訓練主持技巧:「呢樣嘢無論第時我將來,我做咩類型嘅主持都係一個好好嘅訓練。」

Yoshi表示希望進軍YouTube訓練主持技巧。(梁碧玲 攝)

Yoshi坦言雖然不再是ViuTV旗下藝人,但亦非常歡迎再有機會與ViuTV有另一個合作形式:「(同ViuTV)絕對冇牴觸,大家都好擔心會唔會唔再喺電視見到我,唔會嘅,因為我前排都幫,唔可以講劇名住,參演ViuTV一啲劇集嘅,都有客串做一啲主持咁樣!之前可能係《IT狗》,最多人認識我都係呢樣嘢,當然希望有下一季啦!」她透露自己離開公司之後,參與了人生第一部電影的拍攝,心情非常緊張,很期待上映的成果。

Yoshi透露明年1月和4月分別去大阪和埃及旅行,希望屆時可以拍片分享旅程,並盼望之後能再有機會拍旅遊節目。(梁碧玲 攝)