陳寶珠出席活動借機同粉絲親近：幾年冇見佢哋

陳寶珠（寶珠姐）今日（24/11）現身尖沙咀出席香港血癌基金慈善籌款活動，吸引大批粉絲到場支持，場面非常熱鬧。寶珠姐興奮表示：「今日嚟到現場見到班粉絲，我確係好感動，因為疫情嘅關係，都有幾年冇同佢哋見過面，佢哋好掛住我，我又好掛住佢哋，唯有藉住今日呢個籌款活動就同佢哋見下面影吓相，始終真係唔係成日有機會同佢哋見到面。（就嚟生日點慶祝？）都係自己同阿仔同新抱食吓飯咁就算啦。」